სოციალური პროექტი ,,საოცნებო ბიბლიოთეკა,,

სოციალური პროექტი -

„ჩვენი  საოცნებო ბიბლიოთეკა“

სსიპ თბილისის პირველი ექსპერიმენტული საჯარო სკოლა

ავტორი -      მარინე შუბითიძე

მონაწილეები - II კლასის მოსწავლეები

პერიოდი - 20.09 – 31.10.2019

თემის აქტუალობა - დღეისთვის   სასკოლო ბიბლიოთეკის მძიმე და არასანადო მდგომარეობა სკოლის პრობლემაა. სკოლას საკუთარი ხარჯებით არაერთხელ შეუკეთებია იგი და განუახლებია წიგნადი ფონდი, თუმცა ბიბლიოთეკა  აშკარად ვერ აკმაყოფილებს სკოლის მოსწავლეთა მოთხოვნებს.

სოციალური თანამშრომლობა ჩვენი საუკუნის ადამიანისათვის უმნიშვნელოვანესი თვისებაა, რაც თანამედროვე მოზარდში ნაკლებადაა განვითარებული. ამიტომაც ახალგაზრდებში ხშირად ძალიან რთულია პასუხისმგებლობის, ტოლერანტობისა და საკუთარ სასკოლო გარემოზე ზრუნვის უნარის ჩამოყალიბება. ისინი, სამწუხაროდ, საზოგადოებაში მაგალითს ნაკლებად ხედავენ. ამიტომ სკოლამ აუცილებლად უნდა შეიტანოს თავისი მნიშვნელოვანი წვლილი პიროვნებაში ამ თვისებების განვითარების კუთხით. მართალია, მოსწავლეებში ამ თვისებების განვითარებას  ესგ-ით გათვალისწინებული აქტივობები უწყობენ ხელს, მაგრამ  მათ უნდა შეძლონ პრაქტიკული ქმედებების განხორციელება საზოგადოების იმ ნაწილთან ერთად, ვის მიმართაც აქვთ ნდობა, ასეთები კი მათი მშობლები არიან. ამიტომ დაიგეგმა სოციალური პროქტი მოსწავლეებისა და მშობლების  მონაწილეობით.

პროექტის მიზანი

განავითაროს სკოლის მოსწავლეებში ზოგადი განათლების ეროვნული მიზნებით გათვალისწინებული უნარ-ჩვევები;

ა)   საზოგადოების, განათლებისა და სასკოლო გარემოსთან დაკავშირებული ღირებულებების მიმართ საკუთარი პასუხისმგებლობის გააზრება;

ბ) კომუნიკაცია ინდივიდებთან და ჯგუფებთან.

გ) დაახლოვოს მშობელი სასკოლო გარემოსთან, მეტად ჩართოს იგი სკოლის ცხოვრებასა და მოსწავლეთა წარმატების მიღწევაში.

 პროექტის ამოცანები

Ø  გამოცხადდება ნახატების კონკურსი „ჩემი საოცნებო ბიბლიოთეკა“, რომლის ფარგლებში მოსწავლეები დახატავენ მათთვის სასურველი სკოლის ბიბლიოთეკის შენობას;

Ø  გამოცხადდება ,,ცელნაკეთი წიგნების “ კონკურსი;

Ø  დამზადდება წიგნის სანიშნეები;

Ø  ჯგუფებში დამზადდება ბიბლიოთეკისთვის წიგნების მუყაოს გამყოფები;

Ø  ჩატარდება პრეზენტაცია და გამოვლინდება გამარჯვებული;

Ø  პროექტის  დასკვნითი ეტაპი :კონკურსის შედეგის განხილვა.

განხორციელების გზები

1. პროექტის იდეისა, მიზნისა და ამოცანების დამუშავება;

2. ფოკუსჯგუფის შერჩევა; კითხვარების შედგენა;

3. სამუშაო შეხვედრები სკოლის ადმინისტრაციასთან პროექტის არეალის გაფართოების მიზნით;

4. პროექტის ეტაპებზე პასუხისმგებელი პირების შერჩევა;

5. პროექტის ყველა ეტაპის მსვლელობისას პროცესში მონიტორინგის ჯგუფის შერჩევა;

6.აქტივობათა პრაქტიკული განხორციელება;

7. საბოლოო შეხვედრა - მრგვალი მაგიდა-პრეზენტაცია, რომელსაც დაესწრებიან პროექტში მონაწილე მშობლები, მასწავლებლები, სკოლის ადმინისტრაცია;

8. პროექტის შედეგებზე დაყრდნობით სკოლის ადმინისტრაციის, მასწავლებლებისა და მშობლებისათვის რეკომენდაციების შემუშავება.

მოსალოდნელი მოკლევადიანი შედეგები:

მოსწავლეები დაინახავენ, რომ საზოგადოებრივი საქმე ყველასათვის მნიშვნელოვანია და აქ ყველა ერთსულოვანი უნდა იყოს; იგრძნობებ პასუხისმგებლობას საკუთარი წვლილის შეტანით სასკოლო ცხოვრების გაუმჯობესების საქმეში; მშობლები მეტად ჩაერთვებიან სასკოლო ცხოვრებაში, რითაც უფრო პროდუქტიული გახდება სკოლისა და თემის თანამშრომლობა.

მოსალოდნელი გრძელვადიანი შედეგები:

პროექტი ხელს შეუწყობს პასუხისმგებლობის გრძნობის მქონე  მოქალაქის ჩამოყალიბებას.

რესურსები

მუყაო, წიგნები, ელექტრონული - Word  Excel  Power Point;

საკანცელარიო - თაბახის ფურცლები, საპრეზენტაციო ქაღალდი, მარკერები;

ფოტოაპარატი, ვიდეოკამერა.

პროექტის შეფასება

 შედეგი გაიზომება

გაზომვადი:

1სანიშნეების რაოდენობით.;

2. ხელნაკეთი წიგნების   რაოდენობით;

3..პროექტში მონაწილე მოსწავლეთა რაოდენობის მიხედვით;

4.პროექტში მონაწილე მშობლების რაოდენობის მიხედვით.

დაკვირვებით:

1.მონიტორინგის ჯგუფის მიერ პროექტის ეფექტურ მიმდინარეობაზე  განხორციელებული მონიტორინგის საფუძველზე;

პროექტის მიმდინარეობის მონიტორინგი -

შიდა მონიტორინგი - მონიტორინგის ჯგუფი აკვირდება შვიდივე ეტაპზე მატერიალური პროდუქციის შეგროვებისა და რეალიზაციის პროცესს;

გარე მონიტორინგი - ადმინისტრაცია აკვირდება პროექტის მიმდინარეობასა და შედეგებს.

შესაძლო რისკები:

შესაძლოა მშობელთა მონაწილეობის კუთხით პროექტის წარმატების გაზომვისათვის საჭირო რაოდენობამ არ გამოთქვას სურვილი პროექტში ჩართვის შესახებ. ამ შემთხვევაში დაიგეგმება დამატებითი ღონისძიებები მათი მოტივაციის ასამაღლებლად, მაგალითად, სასკოლო ღია კარის დღეები.

პროექტის კალენდარი

აქტივობის დასახელება	20/09. 2019	25/09	30/ 09	3/10	10-20 .10	17/10 28/10	24/10	31.10.2019
1.პროექტის იდეისა, მიზნისა და ამოცანების დამუშავება;	X
2.ფოკუსჯგუფის შერჩევა; კითხვარების შედგენა; ინტერვიუს ჩატარება.		X
ინტერვენცია - 3. სამუშაო შეხვედრები მშობლებთან და სკოლის ადმინისტრაციასთან პროექტის არეალის გაფართოების მიზნით;			X
4. პროექტის ეტაპებზე პასუხისმგებელი პირების შერჩევა;			X
5. ხელნალეთი წიგნების მაკეტის გაცნობა			X
6.ინტერვენცია- წიგნების დაწერა- ილუსტრაციების დახატვა				X
7.სანიშნეების  და გამყოფების დამზადება					X
8. ნახატების კონკურსი „ჩემი საოცნებო ბიბლიოთეკა“ ჩატარება.						X
9.საბოლოო შეხვედრა - მრგვალი მაგიდა-პრეზენტაცია, რომელსაც დაესწრებიან პროექტში მონაწილე მშობლები, მასწავლებლები, სკოლის ადმინისტრაცია;							X
10. პროექტის შეფასება -შედეგებზე დაყრდნობით სკოლის ადმინისტრაციის, მასწავლებლებისა და მშობლებისათვის რეკომენდაციების შემუშავება.								X

პროექტის რეფლექსია:

პროექტს საფუძვლად დაედო მე-2 კლასის მოსწავლეთა ინიციატივა. ბავშვებს უნდოდათ სასკოლო ბიბლიოთეკის გაუმჯობესება და მოვლა. მიუხედავად სკოლის ადმინისტრაციის მხრიდან არაერთგზის მცდელობისა, ბიბლიოთეკა კვლავ საჭიროებს რეაბილიტაციას. ამიტომ შემუშავდა ამოცანები, რომლებსაც   მოსწავლეები განახორციელბდნენ მშობლებთან, მასწავლებლებთან და სკოლის ადმინისტრაციასთან ერთად, რაც კიდევ მეტად დააკავშირებდა მათ ერთმანეთთან, გააღრმავებდა თანამშრომლობისა და კეთილგანწყობის გარემოს:

 გამოცხადდა ნახატების კონკურსი „ჩემი საოცნებო ბიბლიოთეკა“, რომლის ფარგლებში მოსწავლეები დახატეს მათთვის სასურველი სკოლის ბიბლიოთეკის შენობას. გამოვლინდება გამარჯვებული - მოსწავლეები აქტიურად ჩაერთნენ კონკურსში, გამოვლინდა კლასის გამარჯვებული ნახატები, რომლების საერთო სასკოლო კონკურსში მიიღებდნენ მონაწილეობას;

 ჯგუფებში ჩატარდა სანიშნეების და წიგნების გამყოფეების დამზადება. გამოვლინდება გამარჯვებული ნამუშევარი - ჩაერთვნენ, თუმცა მხოლოდ ეხმარებოდნენ მოსწავლეებს. ამ ეტაპზე ძალიან კარგი იყო მათი ასეთი ჩართულობის ფორმა.

მოსწავლეებმა დავად დაამზადეს ხელნაკეთი წიგნები  სკოლის ბიბლიოთეკისთვის.

 გამოვავლინეთ კონკურსების  „ჩემი საოცნებო ბიბლიოთეკა“ და ,,ხელნალეთი წიგნი“ გამარჯვებულები.

პროექტის ფარგლებში დაგეგმილი აქტივობების უმეტესობა შეუფერხებლად განხორციელდა. აღნიშნულმა აქტივობამ გაზარდა კლასის მოსწავლეებში  თანამშრომლობისა და ურთიერთპატივისცემის გრძნობა, ხელი შეუწყო მოქალაქეობრივი პასუხისმგებლობის გაღვივებას.     დაინახეს რა საკუთარი შვილების აქტიურობა, წიგნით დაინტერესება, მშობლები ჩაერთვნენ კლასის მინი ბიბლიოთეკის შექმნაში.   მშობლების ქველმოქმედების შედეგად ჩვენს საკლასო ბიბლიოთეკაში თავი მოიყარა ბევრი, მათ შორის ხელნაწერი,  საბავშვო წიგნმა, რაც სტიმულის მიმცემი აღმოჩნდა მოსწავლეებისთვის დაინტერესებულიყვნენ  წიგნის კითხვით.                                                                           

    დაგეგმილი აქტივობების შესრულების შემდეგ გავაანალიზე ის სტატისტიკა, რომელიც მშობელთა და ბავშვთა გამოკითხვის შედეგად დადგინდა. ასევე გავაანალიზე ჩემ მიერ   პროექტის მიმდინარეობისას გაკეთებული ჩანაწერები, სადაც ჩანიშნული მქონდა პროექტის ძლიერი და სუსტი მხარეები.  დავსახე გეგმა სასკოლო ცხოვრებაში  მშობელთა ჩართულობის ხარისხის ამაღლების შესახებ.                                                                                                         

დაიგეგმა ყოველწლიური აქცია სკოლის ბიბლიოთეკის გაუმჯობესების ხელშესაწყობად.

პროექტის ფარგლებში დაგეგმილი ყველა აქტივობა შეუფერხებლად განხორციელდა.